Регион-влак кокласе кыл

Морко мландыште вашлиймаш

Марий Элысе Морко район ден Мишкан район коклаште келшымаш кўвар ий гыч ийыш пе‰гыдем толеш. Тидыже поснак пытартыш ийлаште шижылтеш. Туныктышо-влак вашла паша опытышт дене палдараш коштыт, культура пашае‰-влак икте-весышт деке чўчкыдын унала мият. Лўмлє писатель, композитор-влакын шочмо кундемыштышт юбилейыштым пайремлыме годым морко ден мишкан марий-влак икте-весышт дене вашлийыт. Сабантуй, Пеледыш пайрем-влакым пырля эртарат.

2008 ий 20 мартыште Морко районысо Коркатово школышто кумдан чапланыше марий драматург С. Н. Николаевын 100 ияш юбилейжым пайремлыме лўмеш «Кугезе муро» театрально-литературный пайрем эртен. Тиде пайрем вашеш 17 гыч 21 март марте театральный коллектив-влакын фестивальышт эртен. Тиде фестивальышке Мишкан Культура дворец пеленсе Марий калык театрымат ўжыныт.

Мемнан театральный труппым калык театрын вуйлатышыже Н. А. Ахмадеева ден историко-краеведческий музейым вуйлатыше С. И. Салиева вуйлатеныт. Морко мландыш мийыше самодеятельный артист-влакын лўмыштымат ончыктен кодаш кулеш, шонем. Тиде - театрын ветеранже-влак З. Р. Ямурзина ден Г. А. Айгильдин, туныктышо-влак Я. Е. Александров ден С. А. Мусалин, РДК-н методистше-влак М. В. Минилбаева ден О. А. Мусалина, студент-влак В. Я. Кутлуметов ден Н. В. Ахмадеева, РОО-н методистше И. Т. Саметова, йоча искусство школышто туныктышо С. Е. Ямбаев.

Морко мланде мемнам пеш порын вашлийын. Икымше кечыштак Марий самырык театрын «Айвика» спектакльжым ончышна. Спектакль деч вара самырык театрын артистше-влак дене вашлиймаш эртыш.Тиде театрын тў‰ режиссержо, РФ искусствын заслуженный пашае‰же О. Г. Иркабаев - мемнан землякна. Тудо Мишкан калык театрыштат икмыняр спектакльым шынден. Сандене тудын дене вашлиймаш пеш шокшын эртен. Тиде ганат Олег Геннадьевич артист-влакын мастарлыкыштым шуарыме шотышто мастер-классым эртарен. Тидыже мемнан самодеятельный артист-влаклан пеш кугу урок лийын. Ме тыгак Марий Элын калык артистше, шкенан землякна А. А. Андрианов дене вашлийынна.

Вес кечынже мемнам Шоруньжа ялышке намийышт. Тиде ялыште ме М. Рыбаковын «Эргымлан кузык» пьесыж почеш ямдылыме спектакльым ончыктышна. Ялысе калык мемнан артист-влакым пеш шокшын вашлийын. Тиде кастенак Морко Культура дворецыште ты спектакльым ончыктенна. Спектакль деч вара «Марий кас», Морко калык театрын артистше-влак дене вашлиймаш эртеныт. Морко театрым Анна Якушева вуйлата. Тудо шкежат пьесым воза. Мемнан театрын репертуарыштыжат А. Якушеван «Рекетир» пьесыже лийын. Сандене палыме автор дене шинчаваш мутланымаш пешак пайдалын эртен. Пытартышлан чылан эрвел кандырам куштымо.

Кумшо кечын ме верысе краеведений музейыште лийынна. А 13 шагат кечывалым Коркатово школышто Сергей Николаевлан 100 ий темме лўмеш «Кугезе муро» пайрем тў‰алын. Тиде пайрем годым Марий Элысе журналист-влак - “Кугарня” газетын корреспондентше И. Ябердина, «Ямде лий!» газетын редакторжо Л. Семенова, «Марий Эл» газетын корреспондентше-влак Л. Иванова ден З. Глушкова, Писатель ушемын председательже В. В. Крылов, Марий Элын калык поэтше, артист, В. Регеж-Горохов, драматург, прозаик Л. Яндаков, МарНИИЯЛИ-н отдел вуйлатышыже Н. Н. Федосеева дене палыме лийынна.

Пайрем деч вара Чавайнур ялыште С. Г. Чавайнын музейышкыже миенна. Чавайнын ешыжын илыме суртыштыжо лийынна. Тушто марий литературын классикшын илымыж годым пайдаланыме шуко арверже аралалтеш. Музей вуйлатыше О. В. Петров писатель нерген шуко о‰айым каласкален.

Моркыш пєр-тылмє годым Чодраялыште верланыше «Тўрлемўдыр» студийыш пуренна. Тушто марий тўр-влак дене палыме лийынна.

Кастене ме М. Шкетан лўмеш Марий государственный драма театрын артистше-влак дене вашлийынна. Ондак С. Николаевын «Салика» пьесыж почеш шындыме спектакльым онченна.

Тиде вашлиймаште театрын директоржо Ю. П. Русанов, Морко район администраций вуйлатыше С. Х. Григорьев, культура отделын начальникше А. А. Александров да моло-влакат лийыныт.

Морко мландышке унала ўжшє, мемнам чыла вере сайын вашлийше морко калыклан алал кумылын тауштена.

Тора корныш коштын толаш йєным ыштыше Мишкан район администраций вуйлатыше В. М. Андреевлан, культура отделын начальникше Р. К. Ялаевалан, Мишкан калык театрын вуйлатышыже Н. А. Ахмадеевалан да мемнан спонсорна-влак С. С. Новиков ден О. А. Байрамовлан кугу таум калаена.

Театрын артистше-влак лўм дене С. САМЕТОВА.